Sri Jambukeswarar Temple – Korattur
ஸ்ரீ ஜம்புகேஸ்வரர் கோயில் – கொரட்டூர் இறைவன் : ஜம்புகேஸ்வரர் இறைவி : அகிலாண்டேஸ்வரி தல தீர்த்தம் : லட்சுமி புஷ்கரனி ஊர் : கொரட்டூர் மாவட்டம் : சென்னை , தமிழ்நாடு கொரட்டூர் ஆதி கேசவ பெருமாள் கோயிலுக்கு அருகில் இந்த சிவன் கோயில் உள்ளது . லட்சுமி புஷ்கரனி கடந்து இடது பக்கம் குளத்தை ஒட்டியே சென்றால் ஜம்புகேஸ்வரர் கோயிலை அடையலாம் . இக்கோயிலானது கிழக்கு நோக்கி அமைந்துள்ளது . தெற்கு வழியாகவும் இக்கோயிலுக்கு செல்லலாம் . தெற்கு வாசல் வழியாக நாம் சென்றால் மொட்டை கோபுரத்துடன் கோயில் அமைந்துள்ளது . மொட்டை கோபுரத்தின் முன் பகுதியில் ஈசன் தன் குடும்பத்துடன் சுதை சிற்பமாக உள்ளார் . அப்படியே வலது புறமாக கிழக்கு வாசல் பகுதிக்கு சென்றால் பலிபீடம் மற்றும் நந்தியை காணலாம் . பின்பு நாம் கருவரையுடன் கூடிய மண்டபத்தின் உள் சென்றால் கிழக்கு நோக்கி இறைவன் காட்சி தருகிறார் . தாயார் அகிலாண்டேஸ்வரி தெற்கு நோக்கி காட்சி தருகிறார் . அர்த்தமண்டபத்தில் இரண்டு விநாயகர் ,வள்ளி தெய்வானை சமேத சுப்ரமணியர்,உற்சவ மூர்த்தி ,நால்வர் ,பைரவர் மற்றும் சூரியன் ஆகியோர் உள்ளார்கள் . இவர்களை தரிசனம் செய்துவிட்டு நாம் வெளியில் வந்து கோயிலை வலம் வந்தால் ஒரு அரைவட்ட வடிவில் அதாவது கஜபிருஷ்ட வடிவில் கோயிலின் கருவறை சுவர் அமைந்துள்ளது . இவ் சுவரானது ஜகதி ,திரிபட்ட குமுதம் ஆகியவையோடு உள்ளது . மொட்டை கோபுரமாக உள்ளது . தேவ கோஷ்டத்தில் யாரும் இல்லை , ஆனால் தேவ கோஷ்டத்தில் தக்ஷிணாமூர்த்தி உள்ள இடத்தில் காகபுஜண்டர் சுதை சிற்பம் உள்ளது . காகபுஜண்டர் மற்றும் ஜம்புமஹரிஷி அவர்கள் இவ் இடத்தில் வந்து இறைவனை வணங்கியதாக நம்பப்படுகிறது . மற்றும் காகபுஜண்டர் இவ்விடத்தில் ஜீவா சமாதி அடைந்ததாகவும் கூறுகிறார்கள் , ஆனால் அதற்கான ஆதாரங்கள் இல்லை . திருஞானசம்பந்தர் பக்கத்தில் உள்ள திருவலிதாயம் சிவன் கோயிலுக்கு வந்தபோது இக்கோயிலுக்கு வந்ததாக கூறுகிறார்கள் ஆதலால் இக்கோயிலானது 8 நூற்றாண்டை சார்ந்ததாக இருக்கலாம் என்று நம்பப்படுகிறது . கல்வெட்டுகள் : இக்கோயிலானது சோழர்கள் காலத்தை சார்ந்ததாகும் . சோழர் காலத்தில் செம்பியன் மஹாதேவி ஈஸ்வரம் என்று அழைக்கப்பட்டது . செம்பியன் மஹாதேவி கண்டராதித்தன் சோழனின் மனைவி ஆவார் , முதலாம் ராஜராஜ சோழனின் பாட்டி ஆவார் . இந்த பகுதியானது புழல் கோட்டத்தை சார்ந்த பராந்தக சதுர்வேதி மங்களம் என்று அழிக்கப்பட்டதாக கல்வெட்டு செய்திகள் கூறுகின்றன . Photos: https://alayamtrails.blogspot.com/2022/10/sri-jambukeswarar-temple-korattur.html திறந்திருக்கும் நேரம் : காலை 07 .00 – 11 .00 மணி வரை , மாலை 5 .00 மணி முதல் இரவு 8 .00 மணி வரை . செல்லும் வழி : கோயம்பேட்டில் இருந்து திருமங்கலம் வழியாக சென்று பாடி சரவணா store தாண்டி கொரட்டூர் செல்லும் சிக்னல் வரும் அதை தாண்டி சென்று வலதுபுறம் சென்றால் இக்கோயிலை அடையலாம் . அருகில் உள்ள கோயில் : திருவாலீஸ்வரர் கோயில் – பாடி English : The …
Read More Sri Jambukeswarar Temple – Korattur
